طيقاندي بابا
سلطان محمود وزيريله برابر تبديل قيافت ايتمش،استانبولڭ بعض يرلرنده خلقڭ احوالني قونترول ايدييوردي. اييجه يورولدقدن صوڭره برر قهوه يودوملامق ايچون بر قرائت خانه يه كيررلر. اوتوردقدن صوڭره باقارلركه اوراده كيلر؛
”طيقاندي بابا، ايكي قهوه!..”
”طيقاندي بابا، برآز شكر!..”
”طيقاندي بابا، بر بارداق صو!..” دييه رك ياشلي بر آدمدن بر شيلر ايسته يورلر. بو سلطان محمودڭ دقّتني جلب ايتدي؛ ياشلي آدم كنديسنه كلنجه صوردي:
اختيار سڭا نه سببله”طيقاندي بابا”دييورلر؟ آدم باشني صاللايارق اوتوردي و يورغون آرغين آڭلاتمه يه باشلادي:
آه ه ه بگم آه ه ه!..بن بر كون بر رؤيا كوردم؛ كورمز اولايدم... صوڭره بوني طوتدم انسانلره آڭلاتدم؛ هاي آڭلاتماز اولايدم! صوڭره ده آديمي”طيقاندي بابا”يه چويرديلر. او كون بو كوندر، بنم آدم”طيقاندي بابا”در. بونڭ أوزرينه سلطان محمود؛”شوني برده بزه آڭلات باقالم بابا ناصل اولدي؟” ياشلي آدم؛
”رؤياده كوردمكه هركسڭ برر پيڭاري وارگورول گورول آقار... بنم دخي بر پيڭارم وار، اما بنمكي شاريل شاريل آقييوردي. ايسته دمكه بنم پيڭارم ده گورول گورول آقسين؛ ألمه بر دگنك آلدم ولوله سندن صوقارق قاريشديرمه يه باشلادم. فقط هيهات! گلن صو كسيلدي طامله طامله آقمه يه باشلادي. أڭ آزندن شاريل شاريل آقسين دييه نه قدر اوغراشدم و قان-تر ايچنده قالدمسه ده بوشه ايدي. تام او أثناده خضر(ع س) اورادن كچركن بڭا سسلندي؛
”طيقاندي بابا طيقاندي!...”حكايه ايشته بودر بگم...و بونڭ تعبيرندن آڭلادمكه بزه دنيادن آنجق طامله رزق وار، فضله يوق غيرت بوشه كيدييور؛
سلطان محمود طيقاندي بابانڭ بو آڭلاتدقلرينه قناعت ايتمكله برابر گنه بر تجربه ايتمك ايستر و اوڭا شويله دير؛
”طيقاندي بابا، مبارك رمضان كلييور؛ سن هرگون افطاره طوغري فلان آدرسه كلوب”بن طيقاندي بابايم” دييه سين سڭا اورادن هر كون بر تپسي باقلاوه ويره جكلر. بونلري رمضان بوينجه آلا، ييه سڭ... ياشلي آدمڭ كوزلري گولمشدي، دعالر ايتدي. نهايت ايلك آقشام كلدي حقيقتًا اوڭا كوزل قيزارمش بر تپسي باقلاوه ويريلمشدي، اوني آلدي، أوينه كليركن عقلنه بر فكر كلدي؛ ياهو، شوڭا هيچ طوقونمدن صاتسه م بر قاچ غروش آلسه م داها ايي اولمازمي؟ دييه دوشونوب؛ باقلاوه باقلاوه دييه باغيرمه يه باشلادي. يهودي بر قومشوسي اوني بر مجيديه يه صاتون آلدي، أوينه گتيروب صوفره يه قويدي؛ ييركن برده نه كورسون!؟ هر ديليمڭ آلتنده بر آلتون!... درحال طيقاندي بابايه كلوب ”بابا سن بو باقلاوه يي نره دن آلدڭ، كوزلمش” ديدي. اوده آڭلاتدي و بو دفعه؛”طيقاندي بابا” ديدي يهودي؛ سن بر قاري بر قوجه بو باقلاوه يي ييه مزسڭ أڭ اييسي عين پاره يه بڭا صات، هر آقشام مجيديه ڭي آل. شبهه لنمه سين دييه فضله ده ويرمه دي واوني قانديردي. طيقاندي بابا هر آقشام عين حال، بر رمضان بويي اوتوز مجيديه يه تعليم وطانيماديغي سلطان محموده ده دعا ايدوب طوردي. وقتاكه بايرام كلدي، سلطان محمود اوني كتيرتدي، احوالنه باقدي شاشيردي؛ اللّه اللّه ناصل اولور؟ ديدي كندي كندينه و صوردي:
طيقاندي بابا نه اولدي؟ زنكينلشه بيلدڭمي؟ غريبم محجوب جواب ويردي: اللّه خير صاحبندن راضي اولسون، رمضانده راحت اداره ايتدك” دييوب حكايه يي آڭلاتدي. سلطان شاشيرمشدي، فقط اوڭا بر فرصت داها ويردي: بو اختياري خزينه دائره سنه صوقوب، ألنه بر كورك ويريڭز؛ خزينه يه ساده جه بر دفعه طالديرسڭ، كورگه نه قدر آلتون كلير ايسه اوڭا ويريڭز!.. دييه فرمان ايتدي. كوتورديلر، فقط بو دفعه ده هيجانله كورگي ترس طوتمه سينمي؟ كله كله ساده جه بر آلتون كلمشدي. سلطان محمود حيرتده قالدي؛ فقط اوڭا صوڭ بر فرصت داها ويردي؛ طيقاندي بابايي أوسكوداره كوتوريڭز، اوراده بولونان ميري دكّانلرينڭ باشنده طورديروب ألنه بر طاش ويريڭز، او طاشي آتسين كنديسيله طاش آراسنده قالان بتون دكّانلري اوڭا طاپو ايديڭز‘!” ديدي. كوتورديلر آنجق نصيبدن فضله سي يوقدي؛طيقاندي بابا اطرافده كيلرڭ تأثيريله قوجه بر طاش آلدي؛ يورغون و بيتكيندي، تام آتاجقكن طاشي باشنه دوشوروب اوراجقده وفات ايتدي. سلطان بوني ده خبر آلنجه باشني أگدي و:”ويرمه ينجه معبود نه يله سين سلطان محمود” دييه او مشهور سوزي سويله دي.