اونك آننه سي
حضرت آمنه, اوغلي محمّد ايله أشنك قبريني زيارت ايتمك ايچون مدينه يه كيدرلر. مدينه ده بر آي قالدقدن صوكره مكه يه دونمه يه قرار ويردي. اقربالريله وداعلاشارق شهردن آيريلديلر.
چول سجاده سنده اوچ يولجي... حضرت آمنه, عزيز أولادي, و امُّ أيمن هپسنك ده معنا عالمنده بر باشقه لق واردي. هنوز كنچ ياشده و أوليلكلرينك ايلك آيلرنده أبدي عالمه يولجي ايتديگي قوجه سني خاطرلايان آمنه, كوز ياشلريني طوتامييوردي. پيغمبر أفنديمزده هيچ گوره مديگي و ياننه كلوب ده زيارت ايتديگي باباسندن آيريليركن محزون محزون آغلايوردي.
هنوز يولي ياريلامشلرديكه حضرت آمنه آنيدن راحتسزلاندي. پيغمبريمز و اُمّ أيمني بر تلاش قاپلادي. كيتدكجه شدّتني آرتديران خسته لق قارشوسنده نه ياپابيليرلردي. أبْوَاع كويي ياقينلرنده بر آغاجك كولكه سنده قوناقلامقدن باشقه أللرنده چاره يوقدي. حضرت آمنه نك ديزلرندن كوچ قوّت چكيلمشدي و كنديسني طوتامايارق آنيدن يره ييقيليويردي. أوستني أورتديلر. حضرت آمنه خسته لغك شدّتي ايچنده تر دوكويور, سوكيلي پيغمبريمز ايسه, اوني غائب ايده جگي و آننه سز قالاجغي أنديشه سي ايچنده كوز ياشي آقيدييوردي. صانكه هرشي كنديلريله برابر لال كسيلمشدي. يرده سس يوق كوكده سكوت حاكمدي. حضرت آمنه يرده حالسز بر شكلده ياتييوردي. بر آرا پيغمبريمز كنديني طوپارلايارق, ناصلسك آننه جگم دييه صوردي. كوڭلي شفقت خزينه سي آننه, بريجك ياوروسنك أوزولمه سني ايسته مييوردي. شدّتي ايله قيورانوب طورديغي خسته لغنك آغير اولديغي حسّني اويانديرمامق ايچون أيي يم جانم اوغلم. بر شيئم يوق, دييه جواب ويردي. بو بر قاچ كلمه لك قونوشمه دن صوكره ده كندندن گچدي. آرتق خسته لق, قونوشاجق طاقاتي طوداقلرندن چكوب آلمشدي. بر آرا صو ديديگي ايشيديلدي. يايدن فيرلايان اوق خيزيله پيغمبر أفنديمز عزيز آننه سنه صويي يتيشديردي. حضرت آمنه صويي ايچدي. صو قابي ايله برلكده جيگرپاره سنك يوموشاجق أللريني ده طوتدي. گوزلريني آچدي. پيغمبر أفنديمزڭ نور صاچان سيماسنه طويا طويا باقدي و أللريني بر آننه شفقتيله اوقشادي. كائناتڭ أفنديسي بر آرا آننه سني برآز طوغرولتوب باشني قوجاغنه آلدي. كوزلرندن آقان مبارك ياشلر آننه سنك اوموزلرينه نيسان ياغمورلري كبي دوشويوردي. حضرت آمنه نك روح و قلبنده فريادلر قوپويوردي. فيرطينه لر أسييوردي. قوجه سني غائب ايديش اضطرابنه, شيمدي ده اوغلي ايله وداعلاشمق حسرتنيمي أكله يه جكدي؟ بو طايانيلماز بر اضطراب, چكيلمز بر درددي. كنديسني ياقالايان خسته لقدن داها چوق بو آيريليق اوني ياقوب قاوورويوردي. اما نه ياپابيليردي! بو الهي قدرڭ دگيشمز حكميدي. حضرت آمنه كنديسني ياقالايان خسته لقدن قورتولاماياجغني آرتق آڭلامشدي. صوڭ اولارق كونش كبي پارلايان نور ياوروسنك يوزينه آيريلق و حسرتڭ ويرديگي دويغو ايچنده باقدي. أللريني طويا طويا قوقلادي. و ديلندن شو جمله لر دوكولدي. او دهشتلي ئولوم اوقندن اللّهك يارديم و احساني ايله يوز دوه قارشيلغنده قورتولان ذاتڭ اوغلي! اللّه, سني عزيز و دواملي قيلسين. أگر رؤياده گوردكلرم طوغري ايسه, سن جلال و بول اكرام صاحبي اولان اللّه طرفندن آدم اوغوللرينه حلال و حرامي بيلديرمك أوزره پيغمبر گوندريله جكسڭ. "سن, جدّڭ ابراهيمڭ تسليميّت و دينني تماملامق ايچون گوندريله جكسڭ. اللّه سني ملّتلرله برلكده دوام ايدوب كلن پوتلردن, پوتپرستلكدن قوروياجق آليقوياجقدر. هر ياشايان ئولور, هر يڭي أسكير. ياشلانان هركس زوال بولور, هر شي فانيدر كيدر. أوت بن ده ئوله جگم. فقط اسمم أبدي ياد ايديله جكدر. چونكه تر تميز بر أولاد طوغورمش آرقه مده خيرلي بر ياد ايديجي بيراقمش بولونويورم."
آجيقلي و عادتا استقبالدن خبر ويرن بو سوزلرندن صوكره حضرت آمنه نڭ كوزلري قايدي و روحني اوراده رحمانه تسليم ايتدي....ير مكه ايله مدينه آراسنده بولونان أبْوَاع كويي: تاريخ ميلادي ٥٧٦...